भिन्डीको नियमित सेवनः तरकारी एक फाइदा अनेक, आजै जानिराखौँ

मुक्तिनाथ टाईम्स। भिन्डी अर्थात रामतोरिया प्रायः हरेक घरको भान्सामा पाक्ने सबैको प्रिय तरकारी हो। खानको लागि स्वादिष्ट त छँदैछ त्यो भन्दा पनि धेरै स्वस्थ जिवनको लागि हरेक उमेर, बर्ग, रोगी तथा निरोगी ब्यक्तिहरुका लागि भिन्डी अत्यन्तै लाभदायिक मानिन्छ। सबैलाई थाहा नहुन पनि सक्छ भिन्डीको तरकारी हरेक किसिमको रोगका लागि उपकारी मानिन्छ। नियमित भिन्डी सेवन गर्नाले उच्च रक्तचाप, मधुमेह, क्यान्सर लगाएत गर्भवती महिलाहरुका लागि समेत अत्यन्तै लाभदायिक हुन्छ।

भिन्डीमा प्रशस्त मात्रामा फाइबर पाइन्छ । जसले मानिसको पाचन प्रक्रियालाई पनि बलियो बनाउँछ । भिन्डी खानाले शरीरमा सुगरको मात्रा नियन्त्रित अवस्थामा रहन्छ । मधुमेहका रोगीलाई यो लाभदायक हुन्छ । त्यस्तै गर्भवती महिलाले भिन्डी खानाले भ्रूणको दिमागको विकास राम्रो हुन्छ । साथै, भिन्डी खाँदा गर्भ तुहिने जोखिम पनि घट्छ । भिन्डीमा भिटामिन–के र फोलेट्स पाइन्छन्, जसले रगत जम्नबाट रोक्छन् र हड्डी बलियो बनाउने गर्छन् ।

भिन्डीमा पाइने भिटामिन–सीलगायत तत्वले दमको असर कम गर्छ । आयुर्वेदका अनुसार भिन्डीको फूल र पातलाई श्वासप्रश्वाससम्बन्धी रोग निको पार्न प्रयोग गरिन्छ । वैद्यको परामर्शमा भिन्डीको फूल र पातलाई ब्रोङ्काइटिस र निमोनियाको उपचार गर्ने गरी प्रयोग गर्न सकिन्छ ।

भिन्डीमा पाइने फाइबरले कब्जियतको समस्या कम गर्छ । जसले गर्दा पाइल्स, फिस्टुला तथा फिसर भएका बिरामीहरुको लागि समेत अत्यन्तै उपयोगि मानिन्छ। भिन्डी खानाले क्यान्सरको जोखिम घट्छ । भिन्डी खाइरहने गर्दा आन्द्रा, कोलोन–रेक्टल क्यान्सर लाग्ने सम्भावना कम हुन्छ ।भिन्डीमा क्यालोरी कम पाइन्छ, जसले गर्दा यो मोटाउने समस्या भएकाहरूका लागि लाभदायक हुन्छ । भिन्डीमा सोल्युबल फाइबर पेक्टिन पाइन्छ, जसले शरीरमा खराब खालका कोलेस्टेरोलको मात्रालाई कम गरिदिन्छ ।

भिन्डीमा पाइने भिटामिन–सीलगायत तत्त्वले छालामा जम्मा भएका विकारलााई पखाली छालालाई स्वस्थ राख्छ । भिन्डीमा अक्सिडेन्ट्स, भिटामिन–सी, म्याग्नेसियम, क्याल्सियम, आइरनजस्ता तत्व प्रशस्त मात्रामा पाइन्छन्, जसले शरीरको रोगप्रतिरोधी क्षमता बढाउँछन् । आँखा धमिलो देख्नेका लागि पनि भिन्डीको तरकारी खानु लाभदायक हुन्छ ।

भिन्डीमा पाइने आइरन, भिटामिन–के आदिले रक्तअल्पता हुन दिँदैन । रगतमा हेमोग्लोबिनको मात्रा कम छ र रेड ब्लड सेल आवश्यक मात्रामा छैन भने भिन्डी खाइरहने गर्नुपर्छ ।