लिभरपुललाई छैटौं पटक च्याम्पियन्स लिगको उपाधि

एजेन्सी । इन्ग्लिश क्लब लिभरपुलले क्लब फुटबलकै सर्वाधिक प्रतिष्ठित प्रतियोगिता च्याम्पियन्स लिग फुटबलको उपाधि जितेको छ  ।

शनिबार राति भएको फाइनलमा टोटेनहमलाई २-० गोल अन्तरले पराजित गर्दै लिभरपुलले उपाधि जितेको हो ।

स्पेनको मड्रिडमा भएको खेलमा जोर्गेन क्लोपको लिभरपुललाई उपाधि दिलाउन मोहमद सलाह र डिभोक ओरिगीले एक एक गोल गरे ।

खेलको पहिलो मिनेटमै सलाहको पेनाल्टी गोलमा लिभरपुलले अग्रता बनाएको थियो । टोटेनहमका मौसा सीसोकोले ह्याण्ड गरेपछि लिभरपुलले पेनाल्टीको अवसर पाएको थियो । जसमा सलाहले सहजै गोल गरे ।

त्यसपछि खेलको ८७ औं मिनेटमा सब्सिच्युड खेलाडी ओरिगीले गोल गर्दै लिभरपुललाई २-० को जित दिलाए । ओरिगी ५८ औं मिनेटमा रोबर्टो फिर्मिन्होको स्थानमा मैदान छिरेका थिए ।

योसंगै लिभरपुलले छैटौं पटक च्याम्पियन्स लिगको उपाधि जित्न सफल भएको छ ।