चलचित्र ‘ए मेरो हजुर ३’ आक्रामक व्यापार गर्दै, सुपरहिट हुने पक्का

अघिल्लो शुक्रबारदेखि प्रदर्शन गरेको चलचित्र ‘ए मेरो हजुर ३’ले आक्रमक व्यापार जारी राखेको छ। नयाँ बर्षको अवसरमा रिलिज भएको चलचित्र अहिले दोश्रो हप्तामा प्रवेश गरेको छ भने देशैभर आक्रामक कमाई जारी राखेको छ ।

काठमाण्डौको क्यूएफएक्स लगायत गोपिकृष्ण, अष्टनारायण मात्र होइन काठमाण्डौ बाहिरका पोखरा, चितवन लगायतका स्थानमा पनि चलचित्रको व्यापार उच्च छ । योसँगै यो चलचित्र सुपरहिट हुने पक्का भएको छ ।

दोश्रो सातामा पनि गोपीकुष्णका ३ पर्दा हाउसफूल भएको निर्माणपक्षले बताएको छ । सुनिलकुमार थापाको निर्माण भएको चलचित्रलाई झरना थापाले निर्देशन गरेका हुन् ।

चलचित्र ‘छक्का पन्जा ३’ पछि नेपाली चलचित्रले यो खालको व्यापार गरेको हो । हलमा देखिएको दर्शकको चाप अन्य नेपाली चलचित्रमा पनि देखिने चलचित्रकर्मीको आशा छ ।